close
尋晚無端端照鏡，望下望下，e....點解多左d野o既，睇真d，大件事....發覺自己多左個下巴，所以今日好早就收工，番屋企換衫跑上華景山莊，好開心，又變番做隻馬騮仔，最後我都無上到華景，差不多到就番轉頭，因為我最唔鐘意o個度d樹大得制，搞到條路好黑。
由華景山莊跑番落o黎時，我唔知點跑番去地鐵站，向個婆婆問路，個婆婆真係很好人，教我點行後，還叫我小心行，生命影响生命係無錯o既，佢o既好心，令我覺得好warm。
今日突然間想起，以前番IVEo個時，無乜錢錢，放左工番學都唔捨得買野食，放學o個陣天氣又凍，又肚餓，攪到私私宿宿咁行番屋企o既情景，有次還差點被架車撞到，而現在不是很幸福，可以成日買野食，又可以同朋友出街去唔同o既地方吃晚飯，但為何我現在經常也不開心，我係咪變左？變得不知足？
全站熱搜
留言列表
